Salvèt una catoneta de la frescor de la nuèch. Aquela catoneta aviá una sòrre e un fraire. La primièra èra tigrada e l'autre ros. Los tres avián pas que lor maire. Malurosament, la familheta viviá dins l'ort de dos agricultors que volián pas brica se'n cargar. Alara, la filha brava arribèt e se diguèt que poiriá benlèu ne prene un e cercar pels autres un ostal . Aquò dich, aquò fach. En dintant en cò sieu, la filha s'en anèt sus internet e mandèt de fòtos dels dos qu'èran demorats. Se diguèt qu'amb lo fum de monde que se passegavan sus la tèla, n'i aurà mai d'un que respondrà. En efièch, las responsas se son pas fachas esperar, mas las caliá veire. Doncas, estapa numero una: faire la tria, çò qu'es pas evident amb solament une fòto e un messatge cortet del genre: "Adieu, totjorn disponible?" O encara: " Ai, qu'es polit, lo vòli!". Cossí te dire... de non! Caliá escambiar amb las personas interessadas, pausar de questions plan bonas per ensajar de far un profil psicologica de cadun. De segur, èra pas cap lo seu mestièr... Vos disi pas lo rambalh dins los mails e los messatges sul telefòn. Auriá pogut dubrir una associacion de la defença e del lòtjament dels cats o quicòm coma aquò tant èra un espòrt. Rai, la prioritat es de trobar una familha d'adopcion!
Fin finala, ne trobèt doas filhas sus Montpelhièr. Fòra que podián pas brica se desplaçar, èran prestas de prene caduna un cat, lo noirir e far tot çò que cal per lor ben viure. E mai, la filha brava se diguèt presta de portar cada cat en cò de caduna filha. La braveta demòra quand meme a quasi una ora e mièja de la vila segond lo trafic... Rai, la prioritat es de trobar una familha d'adopcion!
La seguida dins l'episòdi que ven.
